Oficeri i policisë i pushuar nga puna Derek Chauvin, i cili u kap në kamerë duke e shtypur me gju George Floyd disa momente para vdekjes është arrestuar katër ditë pas atij takimi fatal, bën të ditur autoritetet.

Arrestimi i tij është raportuar nga Komisioneri nga Departamenti i Sigurisë Publike në Minnesota, John Harrington, transmeton portali arbresh.info.

Akuzat specifike ende nuk janë zbuluar. Prokurori i Qarkut Hennepin, Mike Freeman pritet të njoftojë detajet e arrestimit të tij në një konferencë për shtyp të premten.

Të enjten, Departamenti amerikan i Drejtësisë zbuloi se një hetim mbi vrasjen e Z. Floyd është bërë një “përparësi kryesore” pasi protestat dhe trazirat shpërthyen në vazhdën e vdekjes së tij dhe largimin e oficerëve nga forca, me demonstrime që kërkojnë që oficerët e përfshirë të arrestohen për vrasje.

Departamenti i Policisë në Minneapolis ka identifikuar se oficerët e tjerë të pushuar nga puna janë Thomas Lane, Tou Thao dhe J Alexander Kueng./arbesh.info/